Trampdan gizli zəng: Yaxın Şərqdə quru əməliyyatı başlayır?
ABŞ Prezidenti Donald Tramp İsrail və İran arasında artan gərginlik fonunda İraq kürd liderləri ilə mühüm telefon danışıqları aparıb.
Crossmedia.az xəbər verir ki, “Axios” nəşrinin yaydığı məlumata görə, Tramp Kürdüstan Demokrat Partiyasının lideri Məsud Barzani və Kürdüstan Vətənpərvərlər İttifaqının rəhbəri Bafel Talabani ilə regional vəziyyəti müzakirə edib.
Məlumata əsasən, bu addım aylardır İsrail Baş naziri Benjamin Netanyahunun apardığı lobbiçilik fəaliyyətlərindən sonra atılıb. Netanyahu kürdlərin mümkün qarşıdurmada fəal rol oynaya biləcəyinə inanır.
Bununla belə, ABŞ rəsmiləri kürd qüvvələrinin prosesdəki rolunun həddindən artıq şişirdilə biləcəyi barədə xəbərdarlıq edərək daha ehtiyatlı mövqe sərgiləyirlər.
Ekspertlər qeyd edirlər ki, kürdlərin münaqişəyə cəlb olunması hava hücumları ilə yanaşı quru əməliyyatları elementini də gündəmə gətirə bilər. Bu isə ABŞ-nin 2001-ci ildə Əfqanıstanda tətbiq etdiyi hərbi strategiyanı xatırladan model kimi qiymətləndirilir.
14:35 03.03.2026
Oxunuş sayı: 602
