Xarici xəbərlər

İranın milli təhlükəsizlik məsələləri danışıqlar çərçivəsinə daxil deyil

İranın Ali Milli Təhlükəsizlik Şurasının sədri Əli Laricani bəyan edib ki, raket proqramı nüvə danışıqlarının mövzusu deyil və bu məsələ ölkənin milli təhlükəsizliyinin ayrılmaz hissəsidir.

Crossmedia.az xəbər verir ki,bu barədə o, Əl-Cəzirə telekanalına müsahibəsində danışıb.

Laricani bildirib ki, hazırkı danışıqlarda yalnız nüvə məsələsi müzakirə olunur və digər mövzuların gündəmə gətirilməsi prosesi poza bilər. Onun sözlərinə görə, nüvə proqramı ilə bağlı qaldırılan məsələlər müsbət xarakter daşıyır və tərəflər bu çərçivədə müzakirələri davam etdirə bilərlər.

Şura sədri əlavə edib ki, Donald Tramp danışıqların məqsədinin İranın nüvə silahına doğru irəliləməsinin qarşısını almaq olduğunu açıqlayıb və Tehran bu yanaşma ilə razıdır. O vurğulayıb ki, İran bu istiqamətdə danışıqlara hazırdır.

🖨 Çap et

13:31 16.02.2026

Oxunuş sayı: 439