Xarici xəbərlər

Faktçekinqdə beynəlxalq əməkdaşlığa maraq artır

Müstəqil Dövlətlər Birliyi (MDB), Asiya və Latın Amerikası ölkələri faktların yoxlanılması sahəsində əməkdaşlığa böyük maraq göstərir.

Crossmedia.az xəbər verir ki, “TASS” bu barədə məlumat yayıb.

Qlobal Fakt Yoxlama Şəbəkəsinin (GFCN) prezidenti Vladimir Tabak bildirib ki, hazırda bir sıra ölkələrlə bu istiqamətdə əməkdaşlığın genişləndirilməsi üzərində iş aparılır.

Onun sözlərinə görə, Asiya-Sakit Okean Xəbər Agentlikləri Təşkilatı (OANA) ilə inteqrasiya prosesi də davam edir. Təşkilata “TASS”ın rəhbəri Andrey Kondraşov sədrlik edir.

Tabak qeyd edib ki, Asiya, Sakit okean regionu, Latın Amerikası və MDB ölkələri arasında faktçekinq sahəsində əməkdaşlığa maraq müxtəlif səviyyələrdə olsa da, GFCN əməkdaşlığa açıqdır.

Mövzular:

Müstəqil Dövlətlər Birliyi Latın Amerikası Asiya Vladimir Tabak Asiya-Sakit Okean Qlobal Fakt Yoxlama Şəbəkəsi

🖨 Çap et

10:06 12.09.2026

Oxunuş sayı: 48