Netanyahu ABŞ-ni İranla razılaşmada şərtlərə əməl etməyə çağırdı
Benyamin Netanyahu bildirib ki, ABŞ ilə İrana mümkün razılaşma bir neçə vacib komponenti əhatə etməlidir. Onun sözlərinə görə, bu komponentlər yalnız İsrailin təhlükəsizliyi üçün deyil, həm də dünyanın, ABŞ-nin və regionun təhlükəsizliyi üçün önəmlidir.
Crossmedia.az xarici KİV-ə istinadən xəbər verir ki, Netanyahu razılaşmanın İranın nüvə infrastrukturunun tamamilə sökülməsini və uranın zənginləşdirilməsinin dayandırılmasını əhatə etməli olduğunu bildirib. O əlavə edib ki, Tehranın uranı zənginləşdirmək imkanına son qoyulmalı və bütün zənginləşdirilən uran ölkədən çıxarılmalıdır.
İsrail baş naziri həmçinin ötən həftə Donald Trump ilə bu məsələni müzakirə etdiyini vurğulayıb və Tehranla razılaşmada İslam Respublikasının ballistik raketlərinin mənzilinin məhdudlaşdırılmasının vacib olduğunu, İsrailin bu məsələni 300 kilometrə qədər məhdudlaşdırmağı təklif etdiyini açıqlayıb.
01:30 16.02.2026
Oxunuş sayı: 452
