İsveç hökuməti miqrasiya siyasətində köklü dəyişikliklər etməyi planlaşdırır.
Crossmedia.az bu barədə xarici mediaya istinadən xəbər verir.
Təkliflərə əsasən, daimi yaşayış icazələrinin ləğvi və miqrantlardan hər il yenidən müraciət etmələrinin tələb olunması nəzərdən keçirilir.
Məlumata görə, yeni qaydalara şəxsin ölkəyə gəlməzdən əvvəlki dövrünü əhatə edən “xarakter” testi də daxil edilə bilər. Bu test çərçivəsində namizədlərin keçmiş davranışları və hüquqi vəziyyəti qiymətləndiriləcək.
Hökumət rəsmiləri hesab edirlər ki, bu dəyişikliklər yüz minlərlə miqrantın deportasiyası ilə nəticələnə bilər. Təklif olunan addımların məqsədi miqrasiya nəzarətini gücləndirmək və ictimai təhlükəsizliklə bağlı riskləri azaltmaq kimi izah olunur.
Qeyd olunur ki, təşəbbüs hələ müzakirə mərhələsindədir və parlamentdə qəbul ediləcəyi təqdirdə İsveçin miqrasiya sistemində ən sərt islahatlardan biri olacaq.
