ABŞ İranla danışıqları davam etdirmək niyyətindədir
ABŞ Prezidenti Donald Tramp İran hakimiyyəti ilə dialoqu davam etdirmək planlarının olduğunu bəyan edib. Onun sözlərinə görə, son günlərdə Tehranla təmaslar qurulub və danışıqların növbəti mərhələsinin keçirilməsi nəzərdə tutulur.
Crossmedia.az-ın yaydığı məlumata görə Tramp bildirib ki, ABŞ tərəfinin əsas məqsədi İranı nüvə silahı proqramından tam şəkildə imtina etməyə razı salmaqdır. O, diplomatik yolun prioritet olaraq qaldığını vurğulayıb.
ABŞ prezidenti eyni zamanda İran rəhbərliyinə çağırış edərək, ölkədə keçirilən etiraz aksiyaları zamanı nümayişçilərə qarşı zorakılıq tətbiqindən çəkinməyə səsləyib. Vaşinqton insan haqlarına hörmətin dialoqun vacib şərtlərindən biri olduğunu qeyd edib.
09:44 30.01.2026
Oxunuş sayı: 447
