ABŞ-dan Kanadaya gizli zərbə: Neftlə zəngin əyalətin müstəqilliyi müzakirə olunur
ABŞ Prezidenti Donald Trampın administrasiyasına yaxın şəxslərin Kanadanın neftlə zəngin Alberta əyalətinin müstəqilliyini müdafiə edən qrupla bir neçə dəfə görüş keçirdiyi iddia edilir.
Crossmedia.az Financial Times nəşrinə istinadən xəbər verir. Məlumata görə, Alberta Prosperity Project (APP) adlı ifrat sağçı təşkilatın rəhbərləri 2025-ci ilin aprel ayından etibarən Vaşinqtonda ABŞ rəsmiləri ilə ən azı üç dəfə görüşüblər.
Bildirilir ki, tərəflər arasında növbəti görüşün fevral ayında keçirilməsi planlaşdırılır. Görüşlərin əsas məqsədinin Alberta əyalətinin gələcəyi və mümkün müstəqillik təşəbbüsləri ətrafında fikir mübadiləsi olduğu qeyd olunur.
Məsələ ilə bağlı rəsmi Vaşinqton və Kanada hökuməti hələlik açıqlama verməyib.
14:43 29.01.2026
Oxunuş sayı: 553
