İran XİN başçısı Türkiyəyə səfər edəcək
Sabah İranın xarici işlər naziri Abbas Əraqçı Türkiyəyə səfər edəcək. Səfər çərçivəsində o, türkiyəli həmkarı Hakan Fidanla görüşəcək.
Crossmedia.az xəbər verir ki,görüşdə əsas müzakirə mövzuları arasında İran-Türkiyə ikitərəfli əlaqələri, regional təhlükəsizlik, İranın nüvə proqramı, Qəzza və Suriyadakı vəziyyət yer alacaq. Fidan iki ölkə arasındakı tarixi əlaqələri vurğulayacaq və Türkiyənin İranın təhlükəsizliyi və sabitliyinə verdiyi önəmi bir daha diqqətə çatdıracaq.
Məlumata görə, Türkiyə İrandakı son hadisələri yaxından izlədiyini bildirəcək və hər hansı hərbi müdaxiləyə qarşı olduğunu açıqlayacaq, belə addımların regional və qlobal təhlükələr yarada biləcəyi barədə xəbərdarlıq edəcək.
Fidan həmçinin mövcud gərginliyin dialoq yolu ilə həllinə dəstək verəcəyini və İranın nüvə proqramı ilə bağlı sülh yolu ilə həll tapması üçün Türkiyənin yardım etməyə hazır olduğunu bildirib.
14:24 29.01.2026
Oxunuş sayı: 537
