Xameneyi Trampa tarix dərsi keçməyə çalışdı
Bu gün İranın ali rəhbəri Əli Xameneyi ABŞ prezidenti Donald Trampa qarşı sosial şəbəkədə sərt mesaj paylaşıb.
Crossmedia.az xəbər verir ki, o , “X” platformasındakı rəsmi hesabında dağılmış sarkofaqın içində Trampın təsvir olunduğu karikatura yayımlayıb.
Xameneyi paylaşımına “Bu da devriləcək” qeydini əlavə edib. O, habelə, ötən həftə ölkəboyu etirazlar fonunda etdiyi çıxışdan sitat gətirərək Trampı tənqid edib və tarixdəki despot liderlərin aqibətini xatırladıb.
O, paylaşımda qeyd edib ki, Firon, Nəmrud, Rza xan və Məhəmməd Rza kimi təkəbbürlü şəxslər məhz güclərinin zirvəsində süquta uğrayıblar. Xameneyi bu fikri Trampa ünvanlayaraq onun da eyni aqibətlə üzləşəcəyini iddia edib.
19:16 12.01.2026
Oxunuş sayı: 2270
