Məktəblərdə hər bir şagirdin komputerlə təmin olunması üçün işlər davam etdirilir - Ekspert
Son illər Azərbaycan təhsil sistemində rəqəmsallaşma, informasiya-kommunikasiya texnologiyalarının tətbiqi və məktəblərin müasir texniki baza ilə təmin olunması istiqamətində ardıcıl və məqsədyönlü fəaliyyət həyata keçirilir. Bu baxımdan Elm və Təhsil Nazirliyinin rəhbər heyətinin açıqlamaları mövcud vəziyyətin daha dolğun mənzərəsini təqdim edir. “Məktəblilərarası Milli Hakaton-2025” müsabiqəsinin mükafatlandırılma mərasimində çıxış edən nazir müavini Həsən Həsənli bildirib ki, bu gün ölkə üzrə məktəblərdə kompüter və internet təminatı ilə bağlı hər hansı ciddi problem müşahidə olunmur və bu, tədris prosesinin keyfiyyətinə, şagirdlərin rəqəmsal bacarıqlarının inkişafına, müəllimlərin sertifikasiya və qəbul imtahanlarının yüksək səviyyədə təşkili üçün mühüm şərait yaradır.
O qeyd edib ki, 2000–2022-ci illəri əhatə edən strateji proqram çərçivəsində minlərlə məktəbin internetə çıxışla və kompüter avadanlığı ilə təmin olunması təhsil sistemində köklü dəyişikliklərə səbəb olub. Bununla yanaşı, ali təhsil müəssisələrində İKT və digər texnoloji ixtisaslara marağın artması, bu sahədə mütəxəssis hazırlığının genişləndirilməsi ölkənin iqtisadi inkişaf prioritetləri ilə üst-üstə düşür və gələcəkdə Azərbaycanın regional rəqabət gücünü daha da artıracağı gözlənilir.
Bu barədə Crossmedia.az-a danışan təhsil eksperti Elçin Əfəndi bildirib ki, məktəblərdə fəaliyyət göstərən hər bir işçi üçün internet təminatı mövcud olsa da, hər bir şagirdin kompüterlə təmin olunması və onlara texniki dəstəyin göstərilməsi tam həll olunmayıb. Bu səbəbdən də işlər müvəqqəti olaraq tam hazır vəziyyətdə deyil. Hazırda müəyyən sayda şagirdlərin kompüterlə təmin olunması istiqamətində işlər aparılır. Qeyd etmək lazımdır ki, bəzi hallarda, xüsusilə bölgələrdə və uzaq ərazilərdə işıqların kəsilməsi və internet bağlantısında yaranan nasazlıqlar işlərin tam səmərəli aparılmasına müəyyən çətinliklər yaradır".
Ekspert, həmçinin bildiri bi, bu problemlərin tam aradan qaldırılması üçün müvafiq qurumlar lazımi işləri görür: "Müvafiq qurumların müştərək əməliyyatları nəticəsində, Nazir müavirinin qeyd etdiyi kimi, internet təminatı hər 5 şagird üçün tam olaraq təmin ediləcəkdir".
Elmir Heydərli
13:48 02.12.2025
Oxunuş sayı: 1363
