Mədəniyyət

Gəncədə Çanaqqala Döyüşləri Mobil Muzeyi ziyarətə açılıb

Bakı Yunus Əmrə İnstitutunun təşkilatçılığı, Türkiyənin Gəncədəki baş konsulluğu, Gəncə Şəhər İcra Hakimiyyəti, Çanaqqala Döyüşləri Gelibolu Tarixi Ərazi İdarəsinin dəstəyi ilə Çanaqqala döyüşlərinin 110-cu ildönümü münasibətilə Gəncədə Çanaqqala Döyüşləri Mobil Muzeyi ziyarətə açılıb.

Crossmedia.az xəbər verir ki, Çanaqqala Döyüşləri Mobil Muzeyi layihəsi 2020-ci il iyulun 2-dən fəaliyyətə başlayıb.

Qeyd edək ki, layihə çərçivəsində müharibə dövrünə aid müxtəlif materiallar, videolar və döyüş obyektləri nümayiş etdirilən bu mobil muzey - səs effekti, ab-havası və dizaynı ilə əbədiyaşar Çanaqqala ruhunu Türkiyənin və dünyanın dörd bir tərəfinə daşımağı hədəfləyir.(AZƏRTAC)