Türkiyə müdafiəsi dünya səviyyəsinə yüksəlib
Türkiyə qısa müddətdə idxalçıdan silah ixracında dünyanın aparıcı ölkələrindən birinə çevrilib.
Crossmedia.az Fransız nəşri Les Echos-a istinadən xəbər verir ki, son 15 ildə Ankara pilotsuz uçuş aparatları, zirehli texnika, atıcı silahlar və hərbi-dəniz layihələri sahəsində böyük irəliləyiş əldə edib. Silah ixracı 2014-cü ildə 1,64 milyard dollardan 2024-cü ildə 7,15 milyard dollara yüksəlmiş və Türkiyəni dünya təchizatçıları arasında 11-ci yerə çıxarmışdır.
Xüsusi diqqət Bayraktar TB2 dronlarına yönəldilir; onların effektivliyi Qarabağdan Şimali Afrikaya qədər sınaqdan çıxıb və keyfiyyət-qiymət nisbəti ABŞ və Çin dronları ilə rəqabət aparmağa imkan verir.
Məqalədə həmçinin Tayfun Block-4 hipersəs raketinin inkişafı və Türkiyənin strateji caydırıcılığının güclənməsi vurğulanır.
Müəllif qeyd edir ki, “Türkiyə silahları yalnız Asiya və Afrika ölkələri tərəfindən deyil, Avropa dövlətləri tərəfindən də getdikcə daha çox alınır”.
Nicat Rüstəmzadə
17:57 12.09.2025
Oxunuş sayı: 862
