Almaniya kansleri: ÜTT artıq işləmir, yeni ticarət qaydaları lazımdır
Almaniya kansleri Fridrix Merz Ümumdünya Ticarət Təşkilatının (ÜTT) fəaliyyətsiz olduğunu və öz ilkin missiyasını yerinə yetirə bilmədiyini bildirib. O, yeni ticarət siyasəti qaydaları sisteminin hazırlanmasının vacibliyini vurğulayıb.
Crossmedia.az-ın məlumatına görə, o bildirib ki, “Biz Avropalı tərəfdaşlarımızla, o cümlədən ABŞ-la birlikdə qaydalara əsaslanan azad ticarət sistemini təşviq edəcəyik. Eyni zamanda etiraf etməliyik ki, Ümumdünya Ticarət Təşkilatı hazırda işləmir və artıq öz ilkin rolunu oynaya bilmir. İndi lazım olan şey bizim kreativliyimiz və yeni ticarət qaydaları ilə tərəfdaşlıqların yaradılmasına sadiqliyimizdir”, – kansler qeyd edib.
Merzin sözlərinə görə, beynəlxalq ticarətdə mövcud böhran yeni yanaşmalar və gücləndirilmiş tərəfdaşlıqlar tələb edir.
20:28 08.09.2025
Oxunuş sayı: 838
