Xarici xəbərlər

Rumıniyada Baş nazir postuna yeni namizəd irəli sürüldü

Rumıniya Prezidenti Nikuşor Dan Avropa Parlamentinin deputatı Ziqfrid Mureşanı Baş nazir vəzifəsinə namizəd göstərib.

Crossmedia.az xəbər verir ki, “Politico” bu barədə məlumat yayıb.

Mureşan prezidentin parlamentdəki siyasi partiyalarla keçirdiyi məsləhətləşmələrdən sonra namizəd kimi irəli sürülüb. O, Rumıniyanın Milli Liberal Partiyasının üzvüdür və Avropa Parlamentində Avropa Xalq Partiyası qrupunun sədr müavinlərindən biridir. Namizədliyi PNL, Rumıniyanı Xilas Et İttifaqı və Rumıniyadakı Macarların Demokratik İttifaqı tərəfindən dəstəklənir.

Mureşanın qarşısında 10 gün ərzində hökumətin tərkibini formalaşdırmaq və parlamentdən etimad səsi almaq vəzifəsi dayanır. Ölkədə siyasi böhran may ayında İlie Bolojan hökumətinin parlamentdə etimadsızlıq səsverməsi nəticəsində istefaya göndərilməsindən sonra dərinləşib. Mureşanın namizədliyi prezidentin hökumət qurmaq istiqamətində üçüncü cəhdi hesab olunur.

Mövzular:

Rumıniya Prezidenti Avropa Parlamenti Milli Liberal Partiyası Nikuşor Dan baş nazir Rumıniya Macarlar

🖨 Çap et

23:18 17.09.2026

Oxunuş sayı: 47