Xarici xəbərlər

Qabriel Attal “Avropa Birləşmiş Ştatları” ideyasını irəli sürdü

Fransanın keçmiş baş naziri və 2027-ci il prezident seçkilərində namizəd Qabriel Attal Avropanın daha sıx siyasi və iqtisadi inteqrasiyasını nəzərdə tutan “Avropa Birləşmiş Ştatları”nın yaradılmasını təklif edib. O, bu təşəbbüsü Avropanın qlobal güclər qarşısında daha təsirli mövqe tutması üçün yeni siyasi layihə kimi təqdim edib.

Crossmedia.az xəbər verir ki, “Politico” bu barədə məlumat yayıb.

Attalın sözlərinə görə, Avropa İttifaqının 27 ölkədən ibarət mövcud formatı böyük layihələrin həyata keçirilməsində yetərli deyil. O, əvvəlcə daha sıx əməkdaşlığa hazır olan ölkələrdən ibarət “əsas nüvə” formalaşdırmağı, daha sonra isə digər dövlətlərin bu təşəbbüsə qoşulmasını təklif edir.

Fransalı siyasətçi prezident seçiləcəyi təqdirdə bu istiqamətdə danışıqlara başlayacağını və hökumətlər razılığa gəlmədiyi halda Avropa səviyyəsində referendum keçirilməsini təklif etdiyini bildirib. Attal may ayında 2027-ci il prezident seçkilərində iştirak edəcəyini rəsmən açıqlamışdı.

Mövzular:

Fransa Avropa İttifaqı Avropa Birləşmiş Ştatları Qabriel Attal Fransanın keçmiş baş naziri Fransalı siyasətçi

🖨 Çap et

23:26 17.09.2026

Oxunuş sayı: 49