Tehran və Moskva Rusiyadan qaz tədarükünün qiymətini müzakirə edəcək
İranın Moskvadakı səfiri Kazım Cəlali bildirib ki, Rusiya qazının İrana tədarükünün birinci mərhələsi bir neçə ay sonra başlayacaq. Bu mərhələnin detalları artıq razılaşdırılıb, yalnız qiymət məsələsi hələ müzakirə olunacaq. Bu məqsədlə yaxın günlərdə Rusiyadan nümayəndə heyəti Tehrana səfər edəcək.
Crossmedia.az xəbər verir ki, Cəlali əlavə edib ki, ikinci və üçüncü fazalar üçün xüsusi infrastruktur tələb olunur. Bu fazaların həyata keçirilməsi üçün lazımi investisiya Rusiya tərəfindən təmin olunacaq. Səfirin sözlərinə görə, birinci mərhələnin tədarükü üçün bütün texniki və hüquqi məsələlər həllini tapıb, yalnız qiymət razılaşdırılması qalıb.
O, vurğulayıb ki, Pezeşkianın Çində Putinlə apardığı danışıqlarda Rusiya qazının İrana tədarükü əsas mövzulardan biri olub. Gələn həftə Tehranda keçiriləcək görüşdə növbəti mərhələlərin şərtləri və qiymətlər yekunlaşdırılacaq.
17:54 08.09.2025
Oxunuş sayı: 5858
