“3+3” formatlı görüşün vaxtı və yeri məlum deyil
Cənubi Qafqaz ölkələri və onlara qonşu olan 3 dövlət arasında “3+3” formatlı növbəti görüşün yeri və vaxtı hələ müəyyən deyil.
Crossmedia.az xarici KİV-in məlumatına istinadən xəbər verir ki, Ermənistan Xarici İşlər Nazirliyi “3+3” formatlı növbəti nazirlər görüşünün dəqiq vaxtı və yerinə dair məlumatı hələ təqdim etmir.
Əvvəlcə Ermənistanın xarici işlər nazirinin müavini Vaаn Kostanyan IRNA-ya müsahibəsində bildirib ki, növbəti görüş İrəvanda və ya Bakıda keçirilə bilər.
“Ermənistan 2024-cü ildə (İstanbulda) açıqladığı kimi, növbəti “3+3” formatlı nazirlər görüşünü qəbul etməyə hazırdır. Oxşar bəyanat Azərbaycan tərəfindən də verilib”, – deyə nazirlik qeyd edib.
Xarici siyasət qurumu həmçinin əlavə edib ki, görüşün vaxtı və yeri yalnız müvafiq müzakirələrdən sonra müəyyənləşdiriləcək.
Qeyd edək ki, Rusiya Xarici İşlər naziri Sergey Lavrov erməni həmkarı Ararat Mirzoyanla keçirdiyi mətbuat konfransında Cənubi Qafqaz üzrə üçüncü “3+3” formatlı nazirlər görüşünün hazırlandığını bildirib və Moskva tərəfi iki növbəti görüşün Bakıda və İrəvanda keçirilməsini dəstəkləyir.
Nicat Rüstəmzadə
11:53 08.09.2025
Oxunuş sayı: 1809
