Budapeştdə Azərbaycan-Macarıstan Birgə Komissiyasının 11-ci iclası keçirilib
Budapeştdə Azərbaycan-Macarıstan Birgə Komissiyasının 11-ci iclası keçirilib.
Crossmedia.az xəbər verir ki, bunu Macarıstanın xarici işlər naziri Peter Siyarto sosial media paylaşımında bildirib.
O qeyd edib ki, 15 il əvvəl Macarıstanla Azərbaycan arasında qarşılıqlı hörmət və fayda əsasında tərəfdaşlıq qurulanda bəzi Avropa liderləri bu təşəbbüsə istehza ilə yanaşıb, hətta mühazirələr oxuyublar.
“Bu gün isə həmin liderlər prezidentlə şəkil çəkdirmək üçün Bakıda növbəyə dururlar”, - Macarıstan XİN rəhbəri bildirib.
Nazir əlavə edib ki, bu əməkdaşlıq Macarıstana enerji, əczaçılıq, kənd təsərrüfatı və tikinti sahələrində böyük nəticələr qazandırıb:
“Mərkəzi və Şərqi Avropanın aparıcı inteqrasiya olunmuş neft və qaz korporasiyası MOL Group indi Azərbaycanın ən böyük neft və qaz yataqlarında səhmlərə sahibdir və beynəlxalq bazarda sadə alıcıdan enerji istehsalçısına çevrilib”.
Peter Siyarto həmçinin qeyd edib ki, bu gün Budapeştdə Azərbaycanla İqtisadi Əməkdaşlıq üzrə Birgə Komissiyanın 11-ci iclası keçirilib.
15:27 05.09.2025
Oxunuş sayı: 885
