Əfqanıstanın Azərbaycandakı səfirliyində zəlzələ qurbanları üçün anım mərasimi keçirilib
Əfqanıstanın Azərbaycandakı səfirliyinin müvəqqəti işlər vəkili ölkənin şərqində baş vermiş son zəlzələlərin qurbanları üçün anım mərasimi keçirib.
Crossmedia.az xəbər verir ki, bu barədə səfirliyin
"X" hesabında yazılıb.
Bildirilib ki, tədbirdə Xarici İşlər Nazirliyinin rəsmiləri,
Qafqaz Müsəlmanları İdarəsinin nümayəndələri, həmçinin bir sıra ölkələrin səfirləri
və diplomatları iştirak edərək öz başsağlıqlarını Anım Kitabında qeyd ediblər.
Səfirliyin müvəqqəti işlər vəkili Məhəmməd Feysəl zəlzələnin
fəsadları barədə məlumat verib və iştirakçılara təşəkkürünü bildirib.
Qeyd edək ki, son məlumatlara görə, Əfqanıstanda dağıdıcı zəlzələ
nəticəsində ölənlərin sayı 2 205 nəfərə çatıb.
18:16 04.09.2025
Oxunuş sayı: 1058
