Qırğızıstanda Türk Dövlətləri Təşkilatına üzv ölkələrin sammiti keçiriləcək
11 sentyabrda Qırğızıstanda Türk Dövlətləri Təşkilatına (TDT) üzv ölkələrin müsəlman dini idarələrinin rəhbərlərinin VI iclası və Ali müftilərin sammiti keçiriləcək.
Crossmedia.az xəbər verir ki, Tədbirdə Azərbaycan, Türkiyə, Qazaxıstan, Türkmənistan və Özbəkistanın dini idarə rəhbərləri, həmçinin TDT-nin baş katibi Kubanıçbek Omuraliyev iştirak edəcəklər.
Sammit ərəfəsində, 10 sentyabrda Fətva Şurasının iclası keçiriləcək, 11 sentyabr çərçivəsində isə “Siracəddin əl-Oşi və onun İslam elmlərinə töhfəsi” mövzusunda beynəlxalq elmi-praktiki konfrans baş tutacaq.
Bu əlamətdar beynəlxalq tədbir ilk dəfə Qırğızıstanda ölkə Prezidentinin dəstəyi ilə təşkil olunur.
Niyaz Hacıyev
20:11 03.09.2025
Oxunuş sayı: 6864
