ABŞ-nin Ukraynaya dəstəyi Avropa İttifaqı ilə gömrük razılaşmasının bir hissəsi olub
Avropa Şurasının Prezidenti Antonio Koşta etiraf edib ki, ABŞ-nin Ukraynaya göstərdiyi dəstək Vaşinqtonla Avropa İttifaqı arasında gömrük rüsumları ilə bağlı əldə olunan razılaşmanın tərkib hissəsi olub.
Bu barədə Crossmedia.az Politico telekanalına istinadən bildirir ki, əldə olunan sövdələşməyə əsasən, Brüssel ABŞ-a ixrac edilən bütün məhsullar üzrə 15 faizlik gömrük rüsumunu ödəməyi qəbul edib. Bunun müqabilində Avropa İttifaqı Vaşinqtona qarşı hər hansı cavab tədbiri görməkdən imtina edib.
Qeyd olunur ki, bu razılaşma həm iqtisadi, həm də siyasi baxımdan mühüm əhəmiyyət daşıyır. Bir tərəfdən Avropa şirkətləri əlavə maliyyə yükü ilə üz-üzə qalsa da, digər tərəfdən ABŞ-nin Ukraynaya göstərdiyi davamlı siyasi və hərbi dəstək Avropa İttifaqının təhlükəsizlik maraqları ilə uzlaşır.
Mütəxəssislərin fikrincə, bu addım ABŞ və Aİ arasında qarşılıqlı asılılığı daha da gücləndirib və tərəflərin Ukrayna məsələsində ortaq mövqedən çıxış etməsinə şərait yaradıb.
09:33 02.09.2025
Oxunuş sayı: 1001
