Türkiyə və İran prezidentlərinin görüşü: regional və qlobal məsələlər müzakirə olundu
Şanxay Əməkdaşlıq Təşkilatının (ŞƏT) sammiti çərçivəsində Türkiyə Prezidenti Rəcəb Tayyib Ərdoğan və İran Prezidenti Məsud Pezeşkiyan arasında görüş keçirilib. Görüşdə iki ölkə arasındakı münasibətlər, həmçinin regionda və beynəlxalq miqyasda baş verən proseslər ətrafında fikir mübadiləsi aparılıb.
Crossmedia.az xarici mediaya istinadən bildirir ki, Prezident Ərdoğan çıxışında Türkiyənin İranın nüvə proqramı ilə bağlı danışıqları məqsədəuyğun hesab etdiyini vurğulayıb. O, Ankaranın bu məsələdə Tehranı dəstəkləməyə davam edəcəyini də xüsusi qeyd edib.
Bununla yanaşı, liderlər Suriya böhranı, Qəzza zolağında davam edən vəziyyət, eləcə də Cənubi Qafqazda sülh prosesinə dair aktual məsələləri müzakirə ediblər. Hər iki tərəf bölgədə sabitlik və əməkdaşlığın gücləndirilməsinin vacibliyini diqqətə çatdırıb.
09:25 02.09.2025
Oxunuş sayı: 952
