İlham Əliyevin Çin liderinə “mənim əziz dostum” müraciətinin pərdəarxası: Bakı – Pekin münasibətlərində yüksələn dinamika
Dünya iqtisadiyyatı və Azərbaycan (Layihənin müəllifi Rüfət Quliyevdir)
Azərbaycan bu gün beynəlxalq arenada müstəqil daxili və xarici siyasət yeridən, etibarlı və nüfuzlu tərəfdaş kimi tanınır. Aparılan düşünülmüş və balanslı siyasət ölkəmizin qlobal miqyasda rolunu və nüfuzunu durmadan gücləndirir. ABŞ, Çin və digər aparıcı dövlətlərlə keçirilən yüksək səviyyəli görüşlər Azərbaycanın beynəlxalq aləmdəki mövqeyinin və etibarlılığının bariz təsdiqidir. Çinlə əməkdaşlıqlar, razılaşmalar dövlətimizin inkişafına xidmət edir. Bu razılaşma və əməkdaşlıq hər iki tərəf üçün iqtisadi imkanlar yaradır. Hər iki tərəfin iqtisadi potensiallarından istifadə edərək hərəkət etməsi daha böyük əməkdaşlıqlardan və daha güclü dövlətlərdən xəbər verir.
Mövzu ilə bağlı 4 çağırış deputatı, iqtisad elmləri doktoru, professor Rüfət Quliyev Crossmedia.az-a açıqlama verib:
“Əvvəlcə onu qeyd etmək istəyirəm ki, cənab prezident İlham Əliyev Çin lideri Si Cinpinə “mənim əziz dostum” deyə müraciət etdi. Beynəlxalq münasibətlərdə bu cür müraciət iki dövlət və iki xalq arasındakı ən isti əlaqələrdən xəbər verir. Hər iki lider qeyd etdi ki, Azərbaycan-Çin münasibətləri istər iqtisadi, istərsə də beynəlxalq mövqe cəhətdən yüksələn trayektoriya ilə inkişaf edir. Bunun bariz nümunəsi iki dövlət arasında vizaların ləğv edilməsi, insanların rahat səyahəti, və ticarətin artmasıdır. Çin Azərbaycandan yüz dəfə böyük olsa da, onun ciddi maraqları var. Azərbaycan Çin üçün Avropaya qapı yolunu oynayır və logistik nəqliyyat dəhlizləri nöqteyi nəzərindən çox maraqlıdır. Beynəlxalq məsələlərə gəldikdə qeyd etmək lazımdır ki, Çin hər zaman Azərbaycanın müstəqilliyini dəstəkləyib. Azərbaycan da problemli əraziləri ilə bağlı Pekinin mövqeyini müdafiə edir. Eyni zamanda Tayvanın Çinə aid olması məsələsini dəstəkləyirik. Bizim münasibətlərimizin keyfiyyətinin artmasından çox danışmaq olar. Burada həm kəmiyyətdən həm də keyfiyyətdən söhbət gedir”.
Professor həmçinin qeyd edib:
“Ölkələrimiz arasında böyük fərqlərin olamasına baxmayaraq, biz hər zaman Çinlə dil tapmışıq, işləmişik, münasibətlərimizi inkişaf etdirmişik. Son 25 ildə Azərbaycan-Çin münasibətlərində soyuqluq olmayıb. Bu, da çox maraqlı məqamdır. Qeyd etmək lazımdır ki, bir çox məsələdə biz Çini dəstəklədiyimizə görə, bir çox dövlətlə, hətta ABŞ-la mövqelərimiz düz gəlmir. Buna baxmayaraq, Azərbaycan hər zaman öz müstəqil siyasətini həyata keçirib. Bu da Pekin üçün olduqca vacibdir. Çünki Çinin fikri taktiki yoxŞ, strateji nöqteyi nəzərdəndir. Son iki üç ildə Çinin Azərbaycanda xüsusi iqtisadi payı var. Azərbaycanın da “bir kəmər bir yol” marşrutu ilə əlaqəli maraqları var. Çin üçün bu gün daha maraqlı olan Azərbaycanın nəqliyyat yollarından istifadə etməkdir. Çünki bu, Çin başda olmaqla Asiya ölkələri və Avropa arasında daha rahat, daha ucuz və daha təhlükəsiz ticarət vəd edir. Bu nəhəng ölkələrlə iş birliyi qurmaq, siyasi addımlar olduqca atmaq böyük məsələdir. Bu əlaqələrin qurulması zərif diplomatiya səylərinin nəticəsidir. Azərbaycan ABŞ, Avropa İttifaqı, Böyük Britaniya ilə tğamamilə normal münasibətlər qurub. Bu da onu göstərir ki, Azərbaycan rəhbərliyinin beynəlxalq siyasəti çox uğurludur”.
Ayhan
22:27 01.09.2025
Oxunuş sayı: 5918
