Rusiya ATƏT-in Minsk Qrupunun buraxılmasını dəstəkləyir
Rusiya, Dağlıq Qarabağ münaqişəsinin həlli ilə məşğul olan ATƏT-in Minsk Qrupunun buraxılması ilə bağlı Azərbaycan və Ermənistanın birgə qərarını dəstəkləyir.
Crossmedia.az RBK-ya istinadən xəbər verir ki, bunu Rusiyanın ATƏT-dəki daimi nümayəndəsi Aleksandr Lukaşeviç bildirib. Onun sözlərinə görə, qrupun tamamilə ləğvi 2025-ci ilin dekabrınadək planlaşdırılır.
Diplomat qeyd edib ki, söhbət üç institutun fəaliyyətinin dayandırılmasından gedir — Minsk Qrupu, ATƏT-in fəaliyyətdə olan sədrinin şəxsi nümayəndəsi və Yüksək Səviyyəli Planlaşdırma Qrupu.
“Tərəflərin bu strukturların saxlanılmasının məqsədəuyğun olmadığı barədə mövqeyini nəzərə alaraq, onların buraxılmasına maneə görmürük,” — deyə Lukaşeviç bildirib.
Xatırladaq ki, 26 avqustda Azərbaycanın xarici işlər naziri Ceyhun Bayramov ATƏT-in Minsk Qrupunun buraxılması ilə bağlı qərarın 1 sentyabrda qəbul ediləcəyini açıqlamışdı.
11:28 29.08.2025
Oxunuş sayı: 3777
