Azərbaycan Eurovision 2026 mahnı müsabiqəsində iştirak edəcək - ÖZƏL
Avstriya təmsilçisi JJ'in "Wasted Love" adlı ifa ilə qalibiyyət əldə etməsinin ardından Eurovision 2026 mahnı müsabiqəsi gələn ilin may ayında Avstriyanın paytaxtı, Avropanın mədəniyyət ürəyi Vyanada keçiriləcək. Yarımfinallar mayın 12-də və 14-də, böyük final isə mayın 16-da Avstriyanın ən böyük qapalı arenası olan "Wiener Stadthalle"-də baş tutacaq.
Bu barədə mahnı müsabiqəsinin rəsmi İnstagram hesabında məlumat verilib.
Bəs görəsən Azərbaycan müsabiqədə iştirak edəcəkmi? Eurovision Azərbaycan nümayəndə heyətinin rəhbəri Nurlana Cəfərova Crossmedia.az-a açıqlamasında bildirib ki, Eurovision 2026 mahnı müsabiqəsində iştirakımız İTV rəhbərliyi tərəfindən təsdiqlənib.
Beləliklə, Azərbaycan növbəti il Vyanada keçiriləcək Eurovision 2026 mahnı müsabiqəsində iştirakını artıq təsdiqləyib.
Qeyd edək ki, daha əvvəl bildirilmişdi i, Azərbaycanın adı gələn il keçiriləcək müsabiqədə iştirak edəcək ölkələr siyahısında yoxdur.
Niyaz Haciyev
16:59 28.08.2025
Oxunuş sayı: 8224
