ATƏT-in Minsk Qrupunun ləğvi: Azərbaycan üçün diplomatik qələbə və regionda yeni reallıqlar - Deputat
Azərbaycan Xarici İşlər Nazirliyi (XİN) bildirib ki, ATƏT-in Minsk Qrupunun və əlavə strukturlarının ləğvi ilə bağlı qərar layihəsi iştirakçı dövlətlər arasında yayılıb. Nazir Ceyhun Bayramovun sözlərinə görə, iştirakçı dövlətlər qərarın qəbulu üçün lazımi prosedurları dəstəkləməyə çağırılıb və qərarın sentyabrın 1-də qəbul olunması gözlənilir.
Məlum olduğu kimi, Minsk Qrupunun ləğvi Azərbaycanın Ermənistanla yekun sülh sazişi üçün əsas tələblərindən biridir. Çünki adı çəkilən təşkilat faktiki olaraq səmərəsiz bir quruma çevrilmişdi və gələcəkdı prosesinlərin arzuolunan məcrada inkişafına mane ola bilərdi. Minsk Qrupunun ləğvi rəsmi Bakının növbəti diplomatik qələbəsi kimi qiymətləndirilməlidir.
Milli Məclisin deputatı, filologiya elmləri doktoru Elnarə Akimova bildirib bu barədə Crossmedia.az-a danışıb: ATƏT-in Minsk Qrupu ilə bağlı səsləndirilən açıqlama əslində uzun müddətdir müzakirə olunan məsələni gündəmə gətirir. 2020-ci ilin Vətən müharibəsindən sonra formalaşan yeni reallıqlar fonunda Minsk Qrupunun statusu və vasitəçilik mexanizmi faktiki olaraq öz funksionallığını itirmişdi. Bu qərar regionda bir sıra mühüm nəticələrə gətirib çıxara bilər. Buu, yeni siyasi reallıqların təsdiqi, Minsk Qrupunun mandatının faktiki başa çatdırılması və Qarabağ məsələsinin artıq beynəlxalq müstəvidə bağlandığının tanınması deməkdir. Həmçinin Azərbaycan üçün diplomatik qələbə sayılacaq, çünki rəsmi Bakı uzun müddətdir münaqişənin artıq mövcud olmadığını vurğulayır".
E. Akimova bildirib ki, qərarın Ermənistan üçün də təsiri az olmayacaq: "Ermənistanın Minsk Qrupunun gündəmdə saxlanılması ilə bağlı ümidləri tamamilə aradan qalxacaq. Bu ölkə seçim imkanlarını itirəcək və birbaşa Azərbaycanla danışıqlara məcbur olacaq. Minsk Qrupunun ləğvi prosesi sürətləndirə bilər, çünki paralel platformaların olması dialoqu uzadırdı. Artıq yeni situasiya regionda Azərbaycan və Ermənistan arasında normallaşma prosesini beynəlxalq təşkilatların köhnəlmiş mexanizmləri olmadan irəli aparacaq. Bu, həm də Cənubi Qafqazda geosiyasi çəkilərin dəyişməsinə səbəb olacaq: ATƏT-in rolu azalacaq, əvəzində Avropa İttifaqı və qismən də ABŞ təsirini artıracaq".
Mehriban Yariyeva
13:19 28.08.2025
Oxunuş sayı: 5496
