Pulum var amma, xərcləyə bilmirəm: Təqaüd sistemi ilə bağlı NONSENS!
Müasir təqaüd sistemləri insanların əmək fəaliyyətləri dövründə ödədikləri sosial sığorta haqları və digər ödənişlər hesabına formalaşan kapitala əsaslanır. Hər bir şəxs işlədiyi müddət ərzində pensiya fonduna müəyyən məbləğdə vəsait ödəyir və bu vəsait zamanla şəxsi pensiya kapitalını təşkil edir. Lakin təqaüd yaşına çatdıqda həmin məbləğin tamamını birdəfəlik almaq mümkün olmur. Bu kapital xüsusi hesablamalar əsasında aylıq ödənişlər formasında bölünərək uzunmüddətli təminat məqsədilə şəxsə təqdim olunur. Bu yanaşma vətəndaşın yaşlılıq dövründə maddi sabitliyinin və davamlı sosial müdafiəsinin qorunması üçün tətbiq edilir. Lakin bu sistemlə bağlı bəzi suallar və narazılıqlar da mövcuddur.
Mövzu ilə bağlı ReAl partiyasının sədri, iqtisadçı - ekspert Natiq Cəfərli Crossmedia.az-a açıqlama verib:
“Azərbaycanda qanunvericilik elə qəbul olunub ki, vətəndaşların təqaüd fonduna yığdığı vəsaitə birbaşa çıxış imkanı yoxdur. Bununla bağlı qanunvericilikdə ciddi dəyişikliklərə ehtiyac var. Bizdə kapitalın minimum hissəsi var. Minimum təqaüd artan kimi bu da artır. Qanunvericilikdə bu bağlantıda çıxarılmalıdır. İnsanların təqaüd kapitalına çıxış imkanlarını tənzimləyən qanunvericilik təşəbbüsləri olmalıdır. Elə inasanlar var ki, uzun illərdir işləyir və kapitalında yüzminlərlə vəsait var. Amma o vəsaitə çıxış əldə edə bilmir. Bu hallar mütləq aradan qaldırılmalıdır”.
Ayhan
15:49 02.08.2025
Oxunuş sayı: 8712
