“Roskosmos” rəhbəri NASA ilə danışıqlar üçün Hyustona səfər edib
“Roskosmos”un rəhbəri Dmitri Bakanov ABŞ-ın Hyuston şəhərinə səfər edərək NASA-nın müvəqqəti rəhbəri Şon Daffi ilə danışıqlara başlayıb.
Crossmedia.az xəbər verir ki, bu barədə CNN məlumat yayıb.
Qeyd olunur ki, bu, hər iki kosmik agentliyin rəhbərləri arasında 2018-ci ildən bəri keçirilən ilk yüksək səviyyəli görüşdür.
Görüşdə qarşılıqlı maraq doğuran məsələlər, o cümlədən qarşılıqlı uçuş proqramı, Beynəlxalq Kosmik Stansiyanın (BKS) istismar müddətinin uzadılması, stansiyanın təhlükəsiz şəkildə orbitdən çıxarılması və onun okeanda utilizasiya planları müzakirə olunur.
Danışıqların məzmunu və nəticələri yaxın günlərdə ictimaiyyətə açıqlanacaq.
Nigar Rəhimova
10:14 29.07.2025
Oxunuş sayı: 1121
