Xarici xəbərlər

Ermənistanın keçmiş naziri Qagik Xaçatryanın məhkəmədən sonrakı vəziyyəti diqqət çəkdi

Ermənistanın keçmiş maliyyə naziri Qagik Xaçatryan sentyabrın 18-də keçirilən məhkəmə iclasından sonra tibbi xərəkdə məhkəmə binasından çıxarılıb.

Crossmedia.az xəbər verir ki, “NEWS.am” bu barədə məlumat yayıb.

Məlumata görə, Xaçatryan daha əvvəl də məhkəməyə xərəkdə gətirilib. Onun müdafiəçiləri saxlanıldığı müddətdə səhhətinə uyğun tibbi yardım göstərilmədiyini bildiriblər.

Ermənistan Səhiyyə Nazirliyinin nümayəndəsi isə Xaçatryanın cəzaçəkmə müəssisəsində qanunla müəyyən edilmiş qaydada lazımi tibbi yardım aldığını açıqlayıb. Xaçatryan sentyabrın 2-də iki aylıq həbs qətimkan tədbiri ilə həbs edilib və ona xüsusilə külli miqdarda rüşvət alma və çirkli pulların yuyulması ilə bağlı ittihamlar irəli sürülüb.

Mövzular:

Ermənistanın keçmiş maliyyə naziri Qagik Xaçatryan Ermənistan Səhiyyə Nazirliyi məhkəmə iclası

🖨 Çap et

19:42 18.09.2026

Oxunuş sayı: 44