Xarici xəbərlər

Filippində məktəbdə atışma: 2 şagird öldü, 8 nəfər yaralandı

Filippinin cənubundakı məktəbdə 16 yaşlı şagirdin atəş açması nəticəsində iki 14 yaşlı şagird ölüb, daha 8 nəfər yaralanıb.

Crossmedia.az xəbər verir ki, “Reuters” bu barədə məlumat yayıb. Hadisə Cənubi Kotabato əyalətinin Banqa şəhərindəki Banga National High School-da baş verib. Yaralananlardan dördünün vəziyyətinin ağır olduğu, bütün zərərçəkənlərin 14–17 yaş arasında məktəb şagirdləri olduğu bildirilir.

Hadisədən sonra 16 yaşlı şübhəli özünü öldürüb. Banqa şəhərinin meri Albert Palensia bildirib ki, yeniyetmə nahar vaxtı dostlarına məktəbdən getməyi, nahardan sonra planını həyata keçirəcəyini deyib, lakin dostları onun sözlərini ciddi qəbul etməyib.

Filippin Təhsil Nazirliyi hadisə ilə bağlı narahatlığını ifadə edib və şagirdlərin, müəllimlərin və məktəb əməkdaşlarının təhlükəsizliyinin əsas prioritet olduğunu açıqlayıb. Hadisə ölkədə iyun ayından bəri məktəbdə baş verən üçüncü ölümcül atışma kimi qeydə alınıb.

Mövzular:

Fillipin Banqa şəhəri Cənubi Kotabato Filippin Təhsil Nazirliyi Albert Palensia

🖨 Çap et

18:42 18.09.2026

Oxunuş sayı: 42