Xarici xəbərlər

Rusiydakı təcridxanada diaspor rəhbəri vəfat edib

Rusiyanın Ufa şəhərində daha bir diaspor nümayəndəsinin ölümü qeydə alınıb.

Crossmedia.az xəbər verir ki, bu dəfə hadisə istintaq təcridxanasında baş verib: “Həlak olan şəxs tacik diasporunun sabiq rəhbəri Abdurahmon Rəhimovdur. Yerli mənbələrin verdiyi məlumata görə, Rəhimov isti duş qəbul etdikdən sonra halı pisləşib. Onu xilas etmək mümkün olmayıb”.

Qeyd edək ki, Abdurahmon Rəhimov bu ilin iyun ayında Ufanın Zaton bazarında hədə-qorxu yolu ilə pul tələb etməkdə təqsirli bilinərək 13 il azadlıqdan məhrum edilmişdi: “Sözügedən bazarın yaradılmasında onun 2000-ci illərdə fəal iştirak etdiyi bildirilir. Rəhimov özünü təqsirli bilmirdi və 2023-cü ilin yayından bəri həbsdə saxlanılırdı”.

Fidan Xəlilova

🖨 Çap et

12:32 28.07.2025

Oxunuş sayı: 793