Ermənistanda mübahisəli qərar: Böyük Vətən Müharibəsi abidəsi sökülür
Ermənistanın Artik şəhərində Böyük Vətən Müharibəsi qəhrəmanlarına aid abidənin sökülməsi qərarı cəmiyyətdə ciddi narazılıq yaradıb. Müxalifət bu addımı tarixi yaddaşa hörmətsizlik kimi dəyərləndirir.
Crossmedia.az xəbər verir ki, Ermənistanın Artik şəhərinin hakimiyyəti Böyük Vətən müharibəsi qəhrəmanlarına həsr olunmuş abidəni sökmək niyyətindədir.
"Hakimiyyət abidəni sakinləri xəbərdar etmədən və bunun üçün hüquqi əsas olmadan gizli şəkildə köçürməyi planlaşdırır",- deyə müxalifətdə olan “Ermənistan” fraksiyasının deputatı Mqer Melkonyan bildirib.
Melkonyan bu addımları xalqın tarixi yaddaşına birbaşa hücum və Qələbə simvollarının təhqiri kimi qiymətləndirib.
Bənövşə Zahidli
20:48 27.07.2025
Oxunuş sayı: 1622
