Xarici xəbərlər

Suriya və İsrail nümayəndələrinin iştirakı ilə Parisdə görüş keçirilib

Suriya Xarici İşlər Nazirliyi və Baş Kəşfiyyat İdarəsinin nümayəndələrindən ibarət heyət ABŞ vasitəçiliyi ilə Parisdə İsrail tərəfi ilə görüş keçirib.

Crossmedia.az xəbər verir ki, bu barədə Ekhbariya TV məlumat yayıb.

Mənbənin sözlərinə görə, görüşdə Suriyanın cənubundakı təhlükəsizlik sahəsində son hadisələr və gərginliyin qarşısının alınması istiqamətində səylər müzakirə olunub, lakin heç bir yekun razılıq əldə edilməyib.

Suriya nümayəndə heyəti ölkə ərazisində hər hansı “qanunsuz” xarici mövcudluğu və ölkənin parçalanması planlarında Suriya cəmiyyətinin müəyyən təbəqələrinin istifadə edilməsinə qarşı çıxıb.

Mənbə həmçinin bildirib ki, tərəflər yaxın gələcəkdə yeni görüşlər keçirilməsi barədə razılığa gəliblər ki, müzakirələr davam etdirilsin və Suriyanın cənubunda sabitliyin qorunmasına yönələn addımlar qiymətləndirilsin.

Nigar Rəhimova

🖨 Çap et

21:24 26.07.2025

Oxunuş sayı: 905