Xarici xəbərlər

ABŞ və müttəfiqləri Gürcüstanda genişmiqyaslı hərbi təlimlərə başlayıb

Gürcüstanda ABŞ və onun müttəfiqlərinin iştirakı ilə genişmiqyaslı hərbi təlimlər başlayıb. Təlimlər 26 iyulda başlayib və 6 avqusta qədər davam edəcək.

Crossmedia.az xəbər verir ki, təlimlərin ilk mərhələsi 21 iyulda Türkiyədə başlayıb. Burada ABŞ və Türkiyə hərbçiləri havadan kütləvi desant əməliyyatı həyata keçiriblər. Gürcüstan mərhələsində isə bu ölkə ilə yanaşı, ABŞ, Türkiyə, Polşa, Almaniya, İtaliya, Yunanıstan, Rumıniya, Bolqarıstan, Slovakiya, Litva, eləcə də Ukrayna və Moldova hərbçiləri iştirak edir.

Təlimləri müşahidə etmək üçün Ermənistandan və Yaponiyadan ordu və qərargah nümayəndələri də Gürcüstana gəlib.

Gürcüstan Müdafiə Nazirliyinin yaydığı məlumata görə, təlimlərin əsas elementlərindən biri Senaki hərbi bazasından Tbilisi yaxınlığındakı Vaziani bazasına qədər hərbi kolonların müşayiətinin praktiki məşqidir.

Qeyd edək ki, Senaki bazası 2008-ci ilin avqustunda Gürcüstanda baş verən beşgünlük müharibə zamanı Rusiya və Abxaziya qüvvələri tərəfindən ələ keçirilmişdi.

Nigar Rəhimova

🖨 Çap et

20:59 26.07.2025

Oxunuş sayı: 1464