Xarici xəbərlər

İsrail ordusu minlərlə humanitar yardım qutusunu məhv edib

İsrail Müdafiə Qüvvələri (ÇAXAL) minlərlə humanitar yardım qutusunu məhv edib və bu proses davam edir. Səbəb kimi yardım qutularının həftələrlə açıq havada günəş altında qalaraq yararsız hala düşməsi göstərilir.

Crossmedia.az xarici KİV-ə istinadən xəbər verir ki, məhv edilən yardım qutuları arasında ərzaq məhsulları, dərman preparatları və içməli su butulkaları olub. Bütün bu vəsaitlər Fələstin tərəfində yerləşən Kerem Şalom keçid məntəqəsində saxlanılıb və vaxtında paylanmadığı üçün yararsız hala düşüb.

Ümumi məhv edilən humanitar yardımın miqdarı minlərlə yük maşını həcmində qiymətləndirilir. Məlumata görə, bəzi yardım məhsulları torpağa basdırılıb, bəziləri isə yandırılıb.

ÇAXAL-dakı mənbə bildirib ki, bu vəziyyətin əsas səbəbi humanitar yardım sisteminin səmərəsizliyidir: "Yeni bölgü mexanizmi işləmir. Hələ də minlərlə qutu günəş altında qalmaqdadır və əgər onlar Qəzza sektorunda paylanmasa, məhv edilməli olacaqlar".

Nicat Rüstəmzadə

🖨 Çap et

13:48 26.07.2025

Oxunuş sayı: 1318