New York Times: “İranda baş verən yanğın və partlayışlara görə İsrail məsuliyyət daşıyır”
“The New York Times”, adları açıqlanmayan üç İran rəsmisinə istinadən yazır ki, son günlər qaz sızması və yanğınlarla müşayiət olunan partlayışların çoxu təxribat aktıdır və bunun arxasında İsrailin dayanma ehtimalı yüksəkdir.
Crossmedia.az-ın məlumatına görə, son 2 həftədə İranın müxtəlif bölgələrində – yaşayış kompleksləri, neft emalı zavodları, ayaqqabı fabriki və hava limanı yaxınlığında – müəmmalı yanğın və partlayışlar baş verib.
Rəsmilər ictimaiyyətə açıqlamalarında bu hadisələri qaz sızması, ot və zibilin yandırılması, köhnəlmiş infrastruktur kimi səbəblərlə əlaqələndirsələr də, bəzi yüksək vəzifəli şəxslər, o cümlədən SEPAH üzvləri, bunların psixoloji müharibə və konkret obyektlərə qarşı yönəlmiş təxribatlar olduğunu düşünürlər.
19:43 23.07.2025
Oxunuş sayı: 931
