İsrail Azərbaycana təşəkkür etdi
İsrail və Türkiyə arasında Azərbaycan ərazisində yüksək səviyyəli danışıqlar keçirilib. Danışıqların təşkilinə görə İsrail, Azərbaycan və Prezident İlham Əliyevə təşəkkürünü bildirib.
Crossmedia.az xəbər verir ki, bu barədə UNIAN məlumat yayıb.
Baş nazir Benyamin Netanyahunun rəhbərliyi altında, İsrailin Milli Təhlükəsizlik Şurasının rəhbəri Tzahi Hanegbi və yüksək rütbəli müdafiə və təhlükəsizlik məmurları, dünən axşam Türkiyə nümayəndə heyəti ilə görüşüb. Rəsmi bəyanatda qeyd olunub ki, görüşdə hər iki tərəf bölgədəki maraqlarını təqdim edib və qarşılıqlı sabitlik və təhlükəsizliyin təmin edilməsi məqsədilə dialoqu davam etdirmək qərarına gəlinib.
İsrail hökuməti, bu vacib danışıqların təşkilatçısı olan Azərbaycan və Prezident İlham Əliyevə minnətdarlığını ifadə edib. Danışıqların müsbət nəticələrinin, regional sabitlik və təhlükəsizlik üçün önəmli olacağı vurğulanıb.
Nigar Rəhimova
17:10 10.04.2025
Oxunuş sayı: 2483
