"Azərbaycan bütün məsələlərdə konstruktiv mövqe ortaya qoyub" -DEPUTAT
Prezident İlham Əliyev ADA Universitetində keçirilən tədbirdə səsləndirdiyi fikirlər regionda sülh və təhlükəsizlik məsələləri baxımından mühüm əhəmiyyət daşıyır. Dövlət başçısının vurğuladığı kimi, artıq vaxt itirmək olmaz – sülh sazişinin imzalanması istiqamətində real addımlar atılmalıdır. Bu kontekstdə Prezidentin “top Ermənistan tərəfindədir” fikri, hazırkı geosiyasi vəziyyətin dəqiq ifadəsidir. Azərbaycanın sülhə nail olmaq üçün irəli sürdüyü təşəbbüslər və konstruktiv mövqeyi fonunda, Ermənistanın prosesi ləngitməsi və müxtəlif bəhanələrlə uzatması regionda sabitliyə ciddi təhlükə yaradır.
Mövzu ilə bağlı Milli Məclisin deputatı Tural Gəncəliyev Crossmedia.az-a açıqlama verib:
"Cənab prezidentin ADA Universitetində keçirilən tədbirdə səsləndirdiyi fikirlər çox önəmli xarakter daşıyırdı. Xüsusilə də onun söylədiyi kimi biz vaxt itirməli deyilik. Sülh sazişi məsələsində top ermənilərin tərəfindədir. Çox önəmli bir açıqlama idi. Çünki Azərbaycan sülh müqaviləsi layihəsini Ermənistana təklif edən və sülhün əldə edilməsi və yekun sülh sazişinin imzalanmasını istəyən və konstruktiv mövqe tutan əsas tərəf məhz Azərbaycandır. Ona görə də Ermənistan müxtəlif bəhanələrlə bu məsələni uzatmışdır, sülh müqaviləsini imzalamaqdan imtina etmişdir. Ermənistan ümumiyyətlə silahlanmağa da davam edib. Bütün bunların kontekstində biz nə görürük? Ermənistan həqiqətən də sülh müqaviləsini imzalamaqdan niyyəti səmimidirsə top Ermənistan tərəfdədir. Azərbaycan bütün məsələlərdə konstruktiv mövqeyini ortaya qoymuşdur. Ermənistan sülh istəyirsən şərti sərhəd zolağında eskalasiyaya son qoymalı, istehkam mühəndis qurğuları quraşdırmamalı, Avropa ittifaqı missiyasının Ermənistandan çıxıb getməsinə nail olmalıdır".
Ayhan Ağarzayev
16:34 09.04.2025
Oxunuş sayı: 8896
