"Ermənisan təxribatlara son qoymalı, sülhə istiqamətlənmiş işlər görməlidir" - RƏY
Prezident İlham Əliyev ADA Universitetində keçirilən "Yeni dünya nizamına doğru" mövzusunda beynəlxalq forumda çıxışı zamanı mühüm mesajlar verib. Dövlət başçısı Ermənistanla münasibətlərin hazırkı durumu barədə də danışıb. O söyləyib ki, müharibədən sonrakı vəziyyətin necə inkişaf edəcəyi Ermənistantdan asılıdır
“Biz ərazi bütövlüyümüzü və suverenliyimizi bərpa etdik, separatçılığın kökünü kəsdik və sərhədlərimizin toxunulmazlığını təmin etdik. Bizim üçün bu məsələ bitmişdir. Ancaq bu o demək deyil ki, biz potensial təhlükələri nəzərə almayacağıq”, - deyən dövlətimizin başçısı əlavə edib ki, biz özümüzü müdafiə etməyə və Ermənistanı belə bir fikrə gəldikdə, onu dərhal cəzalandırmağa hər an hazır olmalıyıq.
Bakı ilə İrəvan arasında münasibətlərin hazırkı durumu, doğrudan da, ziddiyyətlidir. Belə ki, Ermənistan bir tərəfdən sülhdən danışsa da, digər tərəfdən təxribatlarını davam etdirir.
Ermənistanın hazırkı ritorikası barədə Crossmedia.az-a danışan Milli Məclisin deputatı Ceyhun Məmmədov söyləyib ki, ölkə lideri çıxışında Ermənistanla mesajlar barədə mühüm ismarışlar səsləndirib: "Biz hazırda Ermənistanın sülh istiqamətində real addımlarını görmürük. Əksinə, qarşı tərəf silahlanır. Bəzi dövlətlər də bu əməlində İrəvana dəstək verirlər. Sual yaranır: Ermənistan niyə silahlanır? İrəvanın məqsədi nədir? Dövlət başsının da qeyd etdiyi kimi, görünür, Ermənistan hansısa revana hazırlaşır. Amma bu cəhdlər regiona fayda gətirməyəcək. Odur ki, təxribatçı xarakterli addımlara son qoymalı, sülhə istiqamətlənmiş işlər görülməlidir".
Asif Quliyev
14:19 09.04.2025
Oxunuş sayı: 3950
