Yalçın Rəfiyev Somalinin naziri ilə müdafiə sahəsində əlaqələrin gücləndirilməsini müzakirə edib
Somalidə səfərdə olan Azərbaycanın xarici işlər nazirinin müavini Yalçın Rəfiyev Afrika ölkəsinin müdafiə naziri Abdulbakir Məhəmməd Nurla iki ölkə arasında müdafiə sahəsində əlaqələrin gücləndirilməsini müzakirə edib.
Crossmedia.az xəbər verir ki, bu barədə müdafiə naziri sosial şəbəkədə bildirib.
"Bu gün (fevralın 4-də – red.) Müdafiə Nazirliyinin mənzil-qərargahında xarici işlər nazirinin müavini cənab Yalçın Rəfiyevin başçılıq etdiyi Azərbaycan nümayəndə heyətini qəbul etdim. Biz iki ölkə arasında, xüsusən də müdafiə sahəsində əlaqələrin gücləndirilməsini müzakirə etdik", – o qeyd edib.
Bundan başqa, azərbaycanlı diplomat Moqadişoya səfəri çərçivəsində bu ölkənin neft və mineral ehtiyatlar naziri Dahir Şirlə də görüşüb.
Xarici işlər nazirinin müavini Zati-aliləri Yalçın Rafiyevin rəhbərlik etdiyi Azərbaycan nümayəndə heyətini qəbul edib. Görüşdə neft və iqtisadi inkişaf sahəsində ikitərəfli əməkdaşlıq müzakirə olunub. Müzakirələr Somali və Azərbaycan arasında investisiya imkanları və əməkdaşlığın gücləndirilməsinə yönəlib", – Somalinin Neft və Mineral Ehtiyatlar Nazirliyinin məlumatında diqqətə çatdırılıb.
08:45 05.02.2025
Oxunuş sayı: 7446
