Səhiyyə
İlkin səhiyyə xidmətində kadr ehtiyatında çatışmazlıq var
- Azərbaycanda ilkin səhiyyə xidmətində kadrların sayında və keyfiyyətində problemlər var.
- Bunu İcbari Tibbi Sığorta üzrə Dövlət Agentliyinin İdarə Heyəti sədrinin müşaviri İsa Əliyev Milli Məclisdə keçirilən “İlkin səhiyyə xidməti: mövcud vəziyyət, görülən işlər, problemlər və onların həlli yolları” mövzusunda ictimai dinləmədə deyib.
- O bildirib ki, ilkin səhiyyə xidmətində kadr ehtiyatı sahəsində 40 faiz say çatışmazlığı var:
- “Bölgələrdə bu göstərici 45-50 faizə qalxır. Bizim ailə həkimimiz yoxdur. Bu sahədə xidmət göstərmək istəyənlərə müəyyən təlimlər keçirilməlidir”.
- İsa Əliyev qeyd edib ki, maddi-texniki baza ilə bağlı da ciddi araşdırmalar aparılıb.
- “3000-dən çox tibb məntəqəsi müəyyənləşib. Onlar haqqında məlumatlar toplanıb. Onlara planlı şəkildə investisiya qoyulacaq”, - İ.Əliyev qeyd edib. (trend)
12:19 30.01.2025
Oxunuş sayı: 4113
