Seçici fəallığına görə dairələr açıqlandı - ən yüksək və ən aşağı nəticələr
Bələdiyyə seçkilərində ən yüksək və ən aşağı seçici fəallığına malik dairələr məlum olub.
Crossmedia.az xəbər verir ki, bu barədə məlumatları Mərkəzi Seçki Komissiyası Katibliyinin İnformasiya Mərkəzinin rəhbəri Fərid Orucov açıqlayıb.
Saat 17:00-a olan məlumata əsasən, seçici fəallığının ən yüksək olduğu dairə 50 saylı Abşeron Üçüncü Seçki Dairəsidir. Bu seçki dairəsində seçici fəallığı 35,40 % olub. Dairə üzrə 19 663 seçici səsvermə hüququndan istifadə edib.
Saat 17:00-a olan məlumata görə, seçici fəallığının ən aşağı olduğu dairə 54 saylı Mingəçevir Seçki Dairəsidir. Bu seçki dairəsində seçici fəallığı 21,75 % olub. Dairə üzrə 10 934 seçici məntəqələrə gedərək səs verib.
Qeyd edək ki, səsvermə prosesi saat 19:00-dək davam edəcək.
18:14 29.01.2025
Oxunuş sayı: 7692
