Azərbaycan, Özbəkistan və Türkiyə arasında əməkdaşlığın inkişafı ilə bağlı əlavə imkanlar mövcuddur - Ceyhun Bayramov
Azərbaycan Respublikasının Xarici İşlər Naziri Ceyhun Bayramov Ankarada Azərbaycan, Türkiyə və Özbəkistan Xarici işlər, Ticarət/İqtisadiyyat və Nəqliyyat Nazirlərinin 2-ci Üçtərəfli Görüşündə çıxış edib.
Crossmedia.az xəbər verir ki, bu barədə Azərbaycan Xarici İşlər Nazirliyinin "X" sosial media hesabında qeyd edilib.
C.Bayramov Azərbaycan, Türkiyə, Özbəkistan arasında üçtərəfli əməkdaşlığın çoxşaxəli xarakterini vurğulayaraq, təhlükəsizlik, iqtisadi inkişaf, ticarət, investisiya, infrastruktur və nəqliyyat-kommunikasiya da daxil olmaqla tərəfdaşlığın əsas sahələrini qeyd edib.
Nazir üç ölkə arasında əməkdaşlığın, xüsusilə də Asiyanı Avropa ilə birləşdirən əsas ticarət və nəqliyyat marşrutu olan Orta Dəhlizinin inkişafı sayəsində daha da inkişaf etdirilməsi üçün əlavə imkanların olduğunu qeyd edib.
"Mövcud regional potensialdan istifadə edərək, Yaxın Şərq, Əfqanıstan da daxil olmaqla, daha geniş regionun sülhünə, təhlükəsizliyinə və inkişafına töhfə verilir", - o bildirib.
- XXX
- 13:28
- Ankarada Azərbaycan, Türkiyə və Özbəkistanın xarici işlər, ticarət/iqtisadiyyat və nəqliyyat nazirlərinin 2-ci üçtərəfli görüşü keçirilir.
- Crossmedia.az xəbər verir ki, bu barədə Azərbaycan Xarici İşlər Nazirliyinin "X" sosial media hesabında qeyd edilib.
- Bildirilir ki, iclasın gündəliyi xarici siyasət məsələləri və regional əməkdaşlıq, iqtisadiyyat, ticarət və investisiya sahələrində əməkdaşlığın, həmçinin nəqliyyat və telekommunikasiya sahəsində əlaqələrin genişləndirilməsinə yönəlib.
- Xatırladaq ki, bu formatda görüşlərdən birincisi 2022-ci il avqustun 2-də Özbəkistanın paytaxtı Daşkənddə keçirilib.
- XXX
- 12:52
- Azərbaycan, Türkiyə və Özbəkistan arasında Ankarada 2-ci üçtərəfli görüş başlayıb.
- Crossmedia.az xəbər verir ki, bu barədə Türkiyə Xarici İşlər nazirliyi məlumat yayıb.
- Qeyd edək ki, iclasda hər üç ölkənin xarici işlər, ticarət, iqtisadiyyat və nəqliyyat nazirləri iştirak edir.
13:44 29.01.2025
Oxunuş sayı: 3066
