İdman
Rəşad Abdullayev: "Litva ilə oyunda qələbə qazanmaq şansımız var"
Azərbaycan millisinin UEFA Millətlər Liqasının ilk turunda Litvaya qarşı matçda qalib gəlmək şansı var.
Crossmedia.az bu barədə məlumat verir ki, o, yığmanın Tacikistanla keçirdiyi yoldaşlıq görüşünü qiymətləndirib:
"Görüş sərt mübarizə şəraitində keçdi. Tacikistan "dişimizə" görə rəqib idi. Məşqçilər korpusu geniş heyət formalaşdırmaq üçün yeni və gənc futbolçuları sınaqdan keçirdi. İlk hissədə yığma daha yaxşı təsir bağışladı. İkinci yarıda isə əvəzetmələrdən sonra oyun istənilən kimi alınmadı və rəqib üstünlüyü ələ keçirdi. Lakin bu yoxlama matçıdır, əsas məqsəd çatışmazlıqları və mövqe boşluqlarını görmək idi. Kəskin dəyişikliklərə lüzum yoxdur. Düşünürəm ki, belə qarşılaşmalar mütəxəssislərə rəsmi matçlarda hansı oyunçuların start heyətində yer alacağını, hansıların isə sonradan meydana daxil olacağını müəyyənləşdirməyə imkan verdi".
R.Abdullayev UEFA Millətlər Liqası çərçivəsində Litva ilə keçiriləcək qarşılaşma barədə də danışıb:
"Hazırda asan rəqib yoxdur, bütün komandalar inkişaf edir, normal futbol oynayır. Litva ilə oyunda qələbə qazanmaq şansımız var. Yığmada daha çox yerli futbolçular çıxış edir. Meydana qələbə üçün çıxmalıyıq, çünki milli komandanın daha yuxarı liqalara yüksəlməsinə və layiq olduğu yeri tutmasına ehtiyac var".
Qeyd edək ki, Azərbaycan millisi sentyabrın 23-də keçirilən Tacikistanla yoldaşlıq matçında 1:0 hesablı qələbə qazanıb. Yığma UEFA Millətlər Liqasında ilk matçını sentyabrın 27-də səfərdə Litva seçməsinə qarşı keçirəcək.
17:18 25.09.2026
Oxunuş sayı: 50
