Qədim Roma mətnlərini oxumaq üçün yeni üsul hazırlanıb
Eramızın 79-cu ilində Vezuvi vulkanının püskürməsi nəticəsində kömürləşən Herkulanum papiruslarının içindəki mətnlərin oxunması üçün yeni üsul hazırlanıb.
Crossmedia.az xəbər verir ki, sentyabrın 16-da “PLOS One” jurnalında dərc olunan araşdırmada alimlər qurğuşun tərkibli mürəkkəblə yazılmış süni papirus tumarını rentgen tomoqrafiyası vasitəsilə virtual şəkildə açaraq mətni müəyyən edə biliblər.
Tədqiqatçılar müəyyən ediblər ki, mürəkkəbdə qurğuşunun olması rentgen görüntüsündə kontrastı artırır və yazıların aşkarlanmasını asanlaşdırır.
Alimlərin fikrincə, bu üsul Neapoldakı Milli Kitabxanada saxlanılan və fiziki şəkildə açılması mümkün olmayan yüzlərlə Herkulanum tumarının araşdırılmasına kömək edə bilər. Əl rentgen-flüoresans cihazı ilə əvvəlcə qurğuşun ehtiva edən tumarların müəyyənləşdirilməsi, daha sonra onların rentgen tomoqrafiyası və süni intellekt vasitəsilə oxunması təklif olunur.
05:40 23.09.2026
Oxunuş sayı: 53
