ABŞ Haiti prezidentinin qətli ilə bağlı araşdırmanı genişləndirir
ABŞ federal prokurorluğu 2021-ci ildə Haiti prezidenti Jovenel Moizin qətlə yetirilməsi ilə bağlı 30 nəfəri ittiham edib.
Crossmedia.az xəbər verir ki, ABŞ-nin Florida Cənub Dairəsi üzrə prokuroru Redinq Kinyones bu barədə məlumat yayıb.
Kinyones bildirib ki, təqsirləndirilən 18 nəfər hərbi təyyarə ilə Haitidən ABŞ-nin Florida ştatına gətirilib və federal məhkəmə qarşısında ittihamlarla üzləşəcək. O qeyd edib ki, istintaq Moizin qətlinin maliyyələşdirilməsində, təşkilində və həyata keçirilməsində iştirak edən digər şəxslərin də məsuliyyətə cəlb olunması istiqamətində davam etdiriləcək.
Federal Təhqiqatlar Bürosunun (FBI) xüsusi agenti Brett Skayls bildirib ki, təqsirləndirilən şəxslər sui-qanuni biznes imkanları və müqavilələr əldə etmək məqsədilə qətli həyata keçiriblər. Onun sözlərinə görə, müxtəlif ölkələrdə aparılan həbslər qətlin bütün iştirakçılarının məsuliyyətə cəlb olunması istiqamətində səylərin davam etdiyini göstərir.
Jovenel Moiz 2021-ci il iyulun 7-də paytaxt Port-o-Prensin ətrafındakı şəxsi iqamətgahında silahlı dəstə tərəfindən öldürülüb.
Qətldən sonra Haitidə vəziyyət daha da ağırlaşıb. Paytaxtın böyük hissəsində silahlı dəstələr nəzarəti ələ keçirib, siyasi institutların fəaliyyəti zəifləyib və ölkədə humanitar vəziyyət ciddi şəkildə pisləşib.
22:51 20.09.2026
Oxunuş sayı: 59
