Hindistan ABŞ təzyiqinə baxmayaraq Rusiya neftindən imtina etməyə çağırılır
Hindistanın GTRI təşkilatının rəhbəri Ajay Srivastava ölkənin enerji təhlükəsizliyini qorumaq üçün ABŞ-nin təzyiqi qarşısında Rusiya neftindən imtina etməməli olduğunu bildirib.
Crossmedia.az xəbər verir ki, “Moneycontrol” bu barədə məlumat yayıb.
Srivastavanın sözlərinə görə, güzəştli qiymətlərlə alınan Rusiya nefti Hindistanın enerji təhlükəsizliyinin möhkəmlənməsinə və inflyasiyanın cilovlanmasına kömək edib. O, Dehlinin Rusiya neftini kommersiya baxımından sərfəli olduğu müddətdə almağa davam etməsini, eyni zamanda Vaşinqtonla danışıqları davam etdirməsini təklif edib.
O bildirib ki, Rusiya neftinin alınmasının dayandırılması və ya ABŞ-lə ticarət sazişinin imzalanması Hindistanı gələcəkdə Vaşinqtonun digər ticarət tədbirlərindən tam qorumağa zəmanət vermir.
ABŞ Prezidenti Donald Tramp sentyabrın 18-də Rusiya və İrana qarşı sanksiyaları sərtləşdirən qanunu imzalayıb. Qanun Rusiya nefti və qazının ən böyük xarici alıcılarından olan ölkələrə qarşı 100 faizə qədər əlavə tariflərin tətbiqinə imkan verir, lakin konkret tarif dərəcəsi və tətbiq ediləcək məhsullar hələ müəyyənləşdirilməyib.
21:34 19.09.2026
Oxunuş sayı: 62
