2025-ci ildə bizi hansı epidemiyalar gözləyir?
Heyvanlar arasında quş qripi hallarının artması virusun insanlar arasında da yayıla biləcəyi ilə bağlı narahatlıqları artırıb. Nottingham Trent Universitetindən dosent Konor Mihan qeyd edir ki, H5N1 virusu 2025-ci ildə ciddi səhiyyə problemi yarada bilər.
Virus hazırda həm vəhşi təbiətdə, həm də ev heyvanları arasında sürətlə yayılır. ABŞ-da bu il 61 insan hadisəsi qeydə alınıb, əsas səbəblər heyvanlarla təmas və çiy süd istehlakıdır. Ölüm faizi isə 30%-dir.
Mihan bildirir ki, H5N1 insan hüceyrələrinə uyğunlaşmadığından hələ ki, insandan insana keçmir. Ancaq mutasiya riski mövcuddur və bu, pandemiya yarada bilər.
Hazırlıqlar çərçivəsində İngiltərə 5 milyon doza H5 peyvəndi alıb. Virusun təkcə insanlar üçün deyil, heyvan sağlamlığı və iqtisadiyyat üçün də təhlükəli ola biləcəyi vurğulanır.
Bundan başqa, malyariya, HIV, vərəm kimi xəstəliklər də səhiyyə üçün əsas problemlər olaraq qalır. Mütəxəssislər yeni xəstəliklərə qarşı hazırlığın vacibliyini qeyd edir.
Nərgiz Orucova
18:36 01.01.2025
Oxunuş sayı: 10545
