Xarici xəbərlər

Meta Hindistanda uşaq təhlükəsizliyi hallarını birbaşa hakimiyyətə bildirəcək

Meta Hindistanda platformalarında uşaqların cinsi istismarı ilə bağlı aşkar edilən halları birbaşa ölkə rəsmilərinə bildirməyə başlayacağını açıqlayıb.

Crossmedia.az xəbər verir ki, şirkətin bu qərarı BBC Eye-ın iyul ayında apardığı araşdırmadan sonra verilib. Araşdırmada “Instagram”da Hindistanda uşaqların cinsi istismarı materiallarını təbliğ edən ödənişli reklamların yayımlandığı müəyyən edilmiş və Hindistan hökuməti Metadan bu cür reklam və məzmunların silinməsini tələb etmişdi.

Meta bundan sonra uşaq təhlükəsizliyi ilə bağlı halları Hindistan Daxili İşlər Nazirliyinin nəzdində fəaliyyət göstərən Hindistan Kibercinayətkarlığın Koordinasiyası Mərkəzinin (I4C) kibercinayət portalına birbaşa göndərəcəyini bildirib. Şirkət yeni sistemin nə vaxt qüvvəyə minəcəyini və konkret hansı halları əhatə edəcəyini açıqlamayıb.

Meta indiyədək uşaqların istismarı ilə bağlı şübhəli halları qanuni öhdəliklərinə uyğun olaraq ABŞ-də

yerləşən İtkin və İstismar Olunan Uşaqlar üzrə Milli Mərkəzə (NCMEC) bildirirdi.

Mövzular:

Meta Hindistan Hindistan Daxili İşlər Nazirliyi ABŞ ölkə rəsmiləri uşaq təhlükəsizliyi

🖨 Çap et

07:20 16.09.2026

Oxunuş sayı: 46