Cəlilabadda Tunc dövrünə aid saxsı qablar aşkarlanıb
Cəlilabad rayonu Ağdaş kəndi ərazisində yol tikintisi işləri zamanı Tunc dövrünə aid saxsı qablar aşkar olunub.
Crossmedia.az'ın məlumatına görə, yol çəkilişi zamanı torpaq işləri həyata keçirilərkən yerin altından müxtəlif saxsı qablar və küplər tapılıb.
Azərbaycan Milli Elmlər Akademiyasının (AMEA) Arxeologiya və Antropologiya İnstitutunun baş elmi işçisi, tarix elmləri doktoru, dosent Vəfa Mahmudova bildirib ki, ilkin qiymətləndirməyə əsasən, tapıntılar Son Tunc – İlk Dəmir dövrünə aiddir.
Tapıntılarla bağlı aidiyyəti qurumlara məlumat verilib. Ərazidə əlavə arxeoloji araşdırmaların aparılması, yeni nümunələrin olub-olmamasının müəyyənləşdirilməsi və aşkar olunan materialların dəqiq tarixinin müəyyən edilməsi gözlənilir. (Report)
13:26 07.09.2026
Oxunuş sayı: 50
